كلمات أغانى عبد الحليم

Admin عدد المساهمات : 287 تاريخ التسجيل : 04/06/2012

صافيني مرة.

صافيني مرة.. وجافيني مرة
ولا تنسنيش كده بالمرة
كنا سوى قلبين والحب جمع شملنا..
والعين تقول للعين إحنا اتخلقنا لبعضنا
وابقى جنبك ولانيش عارف.. ايه ايه المخبي
والقلب يبقى فرحان وخايف.. ليروح ليروح حبي
وتروح الفكرة وتيجي الفكرة.. وانت ناسيني كده بالمرة
صافيني مرة.. وجافيني مرة
اسأل نجوم الليل تشهد.. على حالي يوم ما تغيب
ويا القمر يا ما سهرت .. ليالي من غير حبيب
أشكي له وجدي.. يفضل يواسيني
ويقول هشوفك وييجي بكرة.. وإنت ناسيني كده بالمرة
صافيني مرة.. وجافيني مرة
لما تكون ناوي تجافيني.. قول لي ان كان عليك اللوم
دا رضاك يا روحي على عيني.. وأنا بخاطري أكون مظلوم
وإن عاتبتك أبقى انساني.. وإن جاوبتك إبقى إهواني
بس افتكرني ولو بنظرة.. يللي نسيني كده بالمرة
صافيني مرة.. وجافيني مرة

Admin عدد المساهمات : 287 تاريخ التسجيل : 04/06/2012

اقول ما أقولشي

اقول ما أقولشي .. أنا خايف أقول
تغضب وتمشي .. وعذابي يطول
بلاش أقولك.. حالي يدلك
أقول ما أقولشي
لك سر جوه قلبي .. حرمني من المنام
حرام عليَّ أخبي .. وأكدب عليك حرام
وأنت في قلبي وازاي أداري .. وازاي أخبي همي وناري
بلاش أقولك حالي يدلك
أقول ما أقولشي .. أنا خايف أقول أنا خايف
م الفرحة وأنت جنبي .. ما أقدرش أكلمك
وأنا قلبي وحبي .. حالفين نفهمك
داريت آلامي بالدنيا عنك.. وأخاف كلامي يحرمني منك
بلاش أقولك حالي يدلك
أقول ما أقولشي .. أنا خايف أقول أنا خايف
إحلف لي ما تخاصمني .. لو قلت كلمتي
ولا من رضاك تحرمني .. وتفوتني لوحدتي
مين ليّ بعدك .. وأنا بحبك .. بلاش أقولك حالي يدلك
أقول ما أقولشي .. أنا خايف أقول أنا خايف

بتلوموني ليه

بتلوموني ليه.. بتلوموني ليه
لو شفتم عنيه حلوين اد ايه
حتقولوا انشغالي وسهد الليالي
مش كتير عليه.. ليه بتلوموني

اسير الحبايب يا قلبي يا ذايب
في موجة عبير من الشعر الحرير
عالخدود يهفهف ويرجع يطير
والناس بيلوموني واعمل ايه يا قلبي
عايزين يحرموني منه ليه يا قلبي
بتلوموني ليه

من يوم حبه ما لمس قلبي ما لمس قلبي
فتح الباب للشوق يلعب بي للشوق يلعب بي
وهوّ حبيبي وهوّ نصيبي
وهوّ النور لعنّيه وقلبي
وهوّ شبابي وهوّ صحابي
وهوّ قرايبي وكل حبايبي

والناس بيلوموني واعمل ايه يا قلبي
عايزين يحرموني منه ليه يا قلبي
بتلوموني ليه ..

أهواك واتمنى لو أنساك

أهواك واتمنى لو انساك
وانسى روحي وياك
وان ضاعت يبقى فداك لو تنساني
*****
وانساك وتريني بانسى جفاك
واشتاق لعذابي معاك
والقى دموعي فاكراك ارجع تاني
في لقاك الدنيا تجيني معاك
ورضاها يبقى رضاك
وساعتها يهون في هواك طول حرماني
*****
والاقيك مشغول وشاغلني بيك
وعيني تيجي في عينيك
وكلامهم يبقى عليك وانت تداري
*****
واراعيك واصحى من الليل اناديك
وابعت روحي تصحيك
قوم ياللي شاغلني بيك جرب ناري

Admin عدد المساهمات : 287 تاريخ التسجيل : 04/06/2012

نبتدي منين الحكاية

لو حكينا يا حبيبي.. نبتدي منين الحكايه؟
احنا قصه حبنا.. ليها اكتر من بدايه
عشنا فيها يا ما عشنا..شفنا فيها.. يا ما شفنا
لكن مشينا وكملنا.. مشوار الحب ووصلنا
والدنيا ما قدرت تعاندنا.. وتفرق بينا وتبعدنا
تعالى نقول لغيرنا.. انا وانت ازاي قدرنا
نبعد عن اي عذاب.. ونعيش على طول احباب
نحضن فرحتنا سوا.. ونخلي الحب شباب
وقابلنا انا وانت في مشوارنا.. حاجات كتير جرحت غيرنا
الغيره وظنونها.. واللي بيجرى منها
في يوم ما قربت منا.. بعدها حبنا عنها
وقابلنا الحاسدين وشافونا.. ولا هانش عليهم يفوتونا
وقالوا علينا قالوا يا ما قالوا.. وهوانا ولا اتغير حاله
وتسافر واسافر.. وايام يطول السفر
وقلوبنا بتتقابل.. مع كل طلعه قمر
وان جت خطوتنا تغربنا.. حلاوه الشوق بتقربنا
ومنين يجينا الخصام؟.. ومنين يجينا البعاد؟
واحنا بين قلوبنا.. كل لحظه ميعاد
تعالى نقول لغيرنا.. انا وانت ازاي قدرنا
نبعد عن اي عذاب. ونعيش عل طول احباب
نحضن فرحتنا سوا.. ونخلي الحب شباب
وفي لحظه وقفنا وابتدا خوفنا
ولقينا حوالينا الدنيا ضباب.. وليل وقلب جريح
زي اوراق الشجر وقت الخريف.. رماها الريح
سالنا روحنا ليه ..اكبر من حبنا.. ايه..ايه؟
لكن مطالش الخوف بينا..وعرفنا وشفنا وحسينا

انت شايف الحب كله عيون.. وهمس لكن انا شايف
احلى كلام عشاق يا حبيبي.. هو كلام الشفايف
انت وانت جنبي في كل ميعاد.. بيجمعنا بتروح بعيد ويا التنهيد
وانا بشوف لقانا هو اثنين سوا.. دايبين في لمسه ايد

بتقولي بخاف نمشي ونبعد.. دا الهوى جبار يلعب بينا
خايف من ايه؟
في اجمل ايه.. من حضن يدفينا
بتقولي شوف القمر ويايا شوف القمر
اللي كل العاشقين.. سهروا الليالي ليه
حلو القمر حلو.. بس احلى من القمر..لو نخلي عمرنا يوم ندوق الحب فيه
واتبدد خوفنا.. من بعد وقوفنا
وبدقه قلوبنا.. عرفنا ايه الدوا
وعشنا الحب خيال.. وحقيقه سوا

جانا الهوى جانا .. ورمانا الهوى رمانا
ورمش الأسمراني .. شبكنا بالهوى
آه ما رمانا الهوى ونعسنا .. واللي شبكنا يخلصنا
دا حبيبي شغل بالي .. يا با شاغل بالي
يا راميني بسحر عنيك الاتنين .. ما تقوللي واخدني ورايح فين
على جرح جديد والا التنهيد .. والا على الفرح موديني
أنا باسأل ليه واحتار كده ليه .. بكرة الأيام حتوريني
خلينا كده على طول ماشيين ..
ما رمانا الهوى ونعسنا واللي شبكنا يخلصنا ..
دا حبيبي شغل بالي ..
عدينا يا شوق عدينا .. على بر الهوى رسينا
دنا عمري معاك .. وهوايا هواك
زوق يا نسيم خطاوينا .. ويا نجوم السما ضمينا
وخدينا بعيد وحدينا ..
وخلينا كده علي طول ماشين .. آه ما رمانا الهوى ونعسنا
واللي شبكنا يخلصنا .. دا حبيبي شاغل بالي
طوحنا يا هوى يا هوى طوحنا .. وأمانة ما يوم يا هوى تجرحنا
وتقربنا ما تبعدنا وتفرحنا بحبايبنا .. وإن خدنا الشوق ريحنا
خلينا كده على طول ماشين ..
ما رمانا الهوى ونعسنا .. واللي شبكنا يخلصنا
دا حبيبي شاغل بالي.. آه يابا شاغل بالي

» كلمات أغانى شادية
» كلمات أغانى شادية
» كلمات أغانى فريد الأطرش
» مكتبة أغانى أفلام عبد الحليم حافظ
» تحميل أغانى عبد الحليم حافظ الدينية